విజయానికి కొత్త అర్థం చెబుతున్న టెక్కీ కథ

ఓ సాఫ్ట్‌వేర్ ఇంజినీర్ చేసిన పోస్ట్ సామాజిక మాధ్యమాల్లో వైరల్‌గా మారింది. బెంగళూరులో రూ.38 లక్షల జీతం ఉన్న ఉద్యోగాన్ని వదిలి, హైదరాబాద్‌లో రూ.30 లక్షల జీతం ఉన్న ఉద్యోగంలో చేరడానికి కారణాలను ఆయన వివరించాడు. ఎక్కువ జీతం కంటే మానసిక ప్రశాంతత, కుటుంబ సభ్యుల దగ్గర ఉండటం, తక్కువ పని ఒత్తిడి, మెరుగైన జీవన విధానం ముఖ్యమని పేర్కొన్నాడు. ఆయన నిర్ణయం అనేక మంది ఉద్యోగులను ఆలోచింపజేస్తోంది.

చాలామంది జీతాన్నే ప్రధానంగా పరిగణిస్తారని, కానీ జీవన నాణ్యతను పట్టించుకోరని ఆయన వ్యాఖ్యానించాడు. పని-వ్యక్తిగత జీవితం మధ్య సమతుల్యత, మానసిక ఆరోగ్యం వంటి అంశాలు కూడా అంతే ముఖ్యమని తెలిపారు. ఈ పోస్ట్ ప్రజల మధ్య విస్తృత చర్చకు దారి తీసి, విజయానికి నిజమైన అర్థం ఏమిటో మళ్లీ ఆలోచించేలా చేస్తోంది.