30 బిలియన్ పారామీటర్ల AI మోడల్‌ను విడుదల చేసిన మెటా..

మెటా మరో కీలక అడుగు వేసింది. వినియోగదారుల కంప్యూటర్లపైనే AI ఏజెంట్లను అమలు చేసేలా రూపొందించిన 30 బిలియన్ పారామీటర్ల Muse Glimmer AI మోడల్ వెయిట్స్‌ను విడుదల చేసింది. సాధారణంగా క్లౌడ్ ఆధారిత AI సేవలు వినియోగదారుల అభ్యర్థనలను రిమోట్ డేటా సెంటర్లకు పంపుతాయి. అయితే Muse Glimmerను స్థానికంగా కంప్యూటర్లలోనే అమలు చేయవచ్చు. దీంతో డేటా గోప్యత, ఆఫ్‌లైన్ వినియోగం, AI ప్రాసెసింగ్‌పై నియంత్రణ వంటి ప్రయోజనాలు లభించే అవకాశం ఉంది.

ఒక్క కన్జ్యూమర్ GPUపైనే Muse Glimmer పనిచేసేలా రూపొందించినట్లు మెటా తెలిపింది. సుమారు 4-బిట్ ప్రెసిషన్‌కు కుదించడం ద్వారా మోడల్ పరిమాణాన్ని 20GB కంటే తక్కువకు తీసుకొచ్చింది. ఇది కేవలం ప్రశ్నలకు సమాధానాలు ఇవ్వడమే కాకుండా బహుళ దశల పనులను పూర్తి చేయగల ఏజెంటిక్ AI మోడల్గా రూపొందింది. టూల్స్ వినియోగం, ప్లానింగ్, ఇమేజ్ ప్రాసెసింగ్, కోడింగ్, డీబగ్గింగ్, సమస్యలు ఎదురైనప్పుడు వాటి నుంచి కోలుకోవడం వంటి పనులను నిర్వహించగలదు. ఇదే సమయంలో మెటా తన ఓపెన్ AI వ్యూహాన్ని మరింత బలోపేతం చేస్తోంది. CEO మార్క్ జుకర్‌బర్గ్ త్వరలో Muse Spark 1.2 మోడల్ వెయిట్స్‌ను కూడా విడుదల చేయనున్నట్లు తెలిపారు.