ఐస్ మేక్ రిఫ్రిజిరేషన్‌కు భారీ ఆదాయ వృద్ధి.. కానీ...

లాజిస్టిక్స్, కమర్షియల్ రిఫ్రిజిరేషన్ సొల్యూషన్స్ సేవలు అందించే ఐస్ మేక్ రిఫ్రిజిరేషన్ తన తాజా ఆర్థిక ఫలితాలను ప్రకటించింది. జూన్‌తో ముగిసిన మూడు నెలల కాలంలో కంపెనీ రూ.178.88 కోట్ల ఆదాయాన్ని నమోదు చేసింది. గతేడాది ఇదే త్రైమాసికంలో నమోదైన రూ.111.50 కోట్ల ఆదాయంతో పోలిస్తే ఇది 60 శాతం వృద్ధి కావడం విశేషం.

అయితే ఆదాయంలో గణనీయమైన వృద్ధి నమోదైనప్పటికీ కంపెనీ త్రైమాసికంలో రూ.1.65 కోట్ల నష్టాన్ని నమోదు చేసింది. ఆదాయ పరంగా మెరుగైన పనితీరు కనబరిచినప్పటికీ, లాభదాయకతను మెరుగుపరచడం రానున్న త్రైమాసికాల్లో కంపెనీకి కీలకంగా మారనుంది.