ఐపీఎల్ కు ధోని గుడ్ బై

ఎంఎస్ ధోనీ ఐపీఎల్ కెరీర్ ముగింపుకు చేరువలో ఉన్నారనే ఊహాగానాలు జోరందుకున్నాయి. ఐపీఎల్ 2026లో భాగంగా చెన్నై సూపర్ కింగ్స్ ఈరోజు తమ హోం గ్రౌండ్‌లో సన్‌రైజర్స్ హైదరాబాద్‌తో తలపడనుంది. పూర్తి ఫిట్‌నెస్ సాధించిన ధోనీ ఈ మ్యాచ్‌లో ఆడే అవకాశముందని సమాచారం. దీంతో అభిమానులు ఆయనను మైదానంలో చూసేందుకు ఆసక్తిగా ఎదురుచూస్తున్నారు.

ధోనీ గతంలో “నా చివరి టీ20 మ్యాచ్ చెన్నైలోనే ఆడతా” అని చెప్పిన పాత వీడియోను అభిమానులు సామాజిక మాధ్యమాల్లో పంచుకుంటూ భావోద్వేగానికి లోనవుతున్నారు. ఈ మ్యాచ్ ధోనీ అభిమానులకు ప్రత్యేకంగా మారనుండగా, ఆయన నుంచి మరో మధురమైన ఇన్నింగ్స్‌ను ఆశిస్తున్నారు.