IPL 2026 : ప్రాక్టీస్ షురూ చేసిన ధోనీ - వీడియో వైరల్

మహేంద్రసింగ్ ధోనీ ఫ్యాన్స్‌కు శుభవార్త! రాబోయే IPL 2026 సీజన్ కోసం ధోనీ ప్రాక్టీస్ మొదలుపెట్టాడు. రాంచీ మైదానంలో కాళ్లకు ప్యాడ్లు కట్టుకొని నెట్స్‌లో బ్యాటింగ్ సాధనలో పాల్గొంటున్న ధోనీ వీడియోను జార్ఖండ్ క్రికెట్ అసోసియేషన్ సోషల్ మీడియాలో షేర్ చేసింది. 'జార్ఖండ్ క్రికెట్‌కు గర్వకారణమైన మహేంద్రసింగ్ ధోనీ ఈజ్ బ్యాక్' అంటూ క్యాప్షన్ ఇచ్చారు.

44 ఏళ్ల ధోనీ 19 వ IPL సీజన్‌కి రెడీ అవుతున్నాడు. చెన్నై సూపర్ కింగ్స్ తరఫున యువ కెప్టెన్ రుతురాజ్ గైక్వాడ్ నేతృత్వంలో ఆడనుండగా, గత సీజన్ చివర్లో సిక్స్‌లతో హుషారెత్తాడు. ఇప్పుడు అభిమానులు ధనాధన్ షాట్స్‌తో భారీ ఇన్నింగ్స్‌ ఆడాలని ఎదురుచూస్తున్నారు. ధోనీ ఇప్పటివరకూ 278 IPL మ్యాచ్‌లలో 5439 పరుగులు, 24 హాఫ్ సెంచరీలు సాధించాడు.

IPL 2026 సీజన్ అక్టోబర్ 26 న ప్రారంభం కానుంది. ధోనీ చెన్నై సూపర్ కింగ్స్‌లో 2008 నుండి ఉన్నాడు. CSKతో అనుబంధం కేవలం కాంట్రాక్ట్ మాత్రమే కాదు; ఫ్రాంచైజీతో అతని 15 ఏళ్లా ప్రత్యేక సంబంధం ఉంది. 2010, 2011, 2018, 2021, 2023 లో CSKను ఐదు సార్లు చాంపియన్‌గా నిలిపాడు.