బుడాపెస్ట్ చెస్ టోర్నీ: వైశాలి సంచలన విజయం

బుడాపెస్ట్‌లో జరిగిన టోటల్ చెస్ వరల్డ్ ఛాంపియన్‌షిప్ టూర్ పైలట్ బ్లిట్జ్ ఈవెంట్‌లో భారత గ్రాండ్‌మాస్టర్లు సత్తా చాటారు. భారత మహిళా గ్రాండ్‌మాస్టర్ ఆర్. వైశాలి సంచలన ప్రదర్శనతో ఆకట్టుకున్నారు. ప్రపంచ ర్యాంకింగ్స్‌లో ఆరో స్థానంలో ఉన్న వెస్లీ సోతో పాటు హన్స్ నీమాన్‌పై ఆమె ఘనవిజయాలు సాధించారు. అగ్రశ్రేణి ఆటగాళ్లను ఓడించి తన ప్రతిభను మరోసారి నిరూపించుకున్నారు.

మరోవైపు, భారత గ్రాండ్‌మాస్టర్ అర్జున్ ఇరిగైసి 5.5 పాయింట్లతో నాలుగో స్థానంలో నిలిచారు. ప్రజ్ఞానంద 4.5 పాయింట్లతో టోర్నీని ముగించారు. ప్రపంచ నంబర్ వన్ మాగ్నస్ కార్ల్‌సన్ అజేయంగా నిలిచి ఏడు పాయింట్లతో అగ్రస్థానాన్ని కైవసం చేసుకున్నారు. దీంతో బ్లిట్జ్ టైటిల్‌ను సొంతం చేసుకున్నారు.