చాను, లవ్లీనాకు భారత పతాక బాధ్యత

కామన్వెల్త్‌ గేమ్స్‌ ప్రారంభ వేడుకల్లో భారత పతాకధారులుగా వెయిట్‌ లిఫ్టర్‌ మీరాబాయి చాను, బాక్సర్‌ లవ్లీనా బొర్గొహైన్‌ వ్యవహరించనున్నట్లు భారత ఒలింపిక్‌ సంఘం ప్రకటించింది. ఒలింపిక్‌ పతక విజేతలైన ఈ ఇద్దరు క్రీడాకారిణులు గ్లాస్గో వేదికగా జరిగే ప్రారంభోత్సవంలో భారత బృందాన్ని ముందుండి నడిపించనున్నారు.

ఈ నెల 23న కామన్వెల్త్‌ గేమ్స్‌ ప్రారంభ వేడుకలు జరగనున్నాయి. భారత బృందానికి పతాకధారులుగా ఎంపికైన చాను, లవ్లీనాకు ఐఓఏ అధ్యక్షురాలు పీటీ ఉష అభినందనలు తెలిపారు. పోటీల్లో పాల్గొంటున్న భారత క్రీడాకారులందరికీ ఆమె శుభాకాంక్షలు తెలియజేశారు.