నవదీప్ వివాదంలో ఉప్పల్ బాలు యూటర్న్..

బిగ్ బాస్ తెలుగు సీజన్ 10 సెప్టెంబర్‌లో గ్రాండ్‌గా ప్రారంభం కానుంది. ఈసారి కూడా సెలబ్రిటీలతో పాటు కామనర్లకు అవకాశం కల్పిస్తున్నారు. అయితే అగ్నిపరీక్ష 2 ఆడిషన్స్‌లోనే ఉప్పల్ బాలు, నటుడు నవదీప్ మధ్య జరిగిన వాగ్వాదం హాట్ టాపిక్‌గా మారింది.

బాలు సోషల్ మీడియా కంటెంట్‌పై నవదీప్ ప్రశ్నలు లేవనెత్తగా, కుటుంబ పోషణ కోసమే తాను అలాంటి వీడియోలు చేశానని బాలు సమాధానం ఇచ్చాడు. అనంతరం టీవీ డిబేట్లలో నవదీప్‌పై విమర్శలు చేశాడు. అయితే తాజాగా ఆడిషన్స్ నుంచి ఎలిమినేట్ అయిన తర్వాత జడ్జీల నిర్ణయం న్యాయమైనదంటూ బాలు ప్రశంసించిన వీడియో వైరల్ అవుతోంది. దీంతో అతడి మాట మార్పుపై నెటిజన్లు ట్రోల్స్ చేస్తున్నారు.