బిగ్‌బాస్‌ 10కు ముహూర్తం ఫిక్స్‌.. కంటెస్టెంట్లపై ఆసక్తికర అప్‌డేట్స్‌

తెలుగులో ఇప్పటికే తొమ్మిది సీజన్లను పూర్తి చేసుకున్న బిగ్‌బాస్ తెలుగు 10వ సీజన్‌కు రంగం సిద్ధమైంది. దశావతారం కాన్సెప్ట్‌తో రూపొందుతున్న ఈ సీజన్‌ సెప్టెంబర్‌ 6న సాయంత్రం 7 గంటలకు ప్రారంభం కానుంది. స్టార్‌ మా, డిస్నీ+ హాట్‌స్టార్‌లో ప్రసారం కానున్న ఈ షోకు నాగార్జున హోస్ట్‌గా వ్యవహరించనున్నారు. వెరైటీ, సర్‌ప్రైజ్‌, డ్రామా, ఛాలెంజ్‌లు మరింత పెంచనున్నట్లు నిర్వాహకులు వెల్లడించారు.

ఈసారి కూడా కామనర్స్‌కు అవకాశం కల్పించేందుకు ‘బిగ్‌బాస్‌ అగ్నిపరీక్ష సీజన్‌ 2’ నిర్వహించినట్లు సమాచారం. ఇందులో 70 మంది పోటీ పడగా, 15 మందిని ఎంపిక చేసినట్లు తెలుస్తోంది. వీరిలో దాదాపు ఆరుగురికి హౌస్‌లోకి ప్రవేశించే అవకాశం ఉన్నట్లు సమాచారం. సెలబ్రిటీల్లో సీరియల్‌ నటులు, బుల్లితెర కమెడియన్లకు ప్రాధాన్యం ఇవ్వనున్నట్లు తెలుస్తోంది. దేబ్జానీ మోదక్‌, ముఖేష్‌ గౌడ, ఆటో రామ్‌ ప్రసాద్‌, పొట్టి నరేశ్‌, నూకరాజు, ఎక్స్‌ప్రెస్‌ హరి, యాంకర్‌ వర్షిణి తదితరుల పేర్లు వినిపిస్తున్నాయి. అయితే కంటెస్టెంట్ల తుది జాబితాపై అధికారిక ప్రకటన రావాల్సి ఉంది.