బిగ్‌బాస్ తెలుగు 10: వర్షిణిని కాపాడేందుకు కెప్టెన్సీ, ఇమ్యూనిటీ ముకేశ్ వదులుకుంటాడా?

తాజా బిగ్‌బాస్ తెలుగు 10 ప్రోమోలో కెప్టెన్ ముకేశ్‌కు నాగార్జున కీలకమైన ఛాలెంజ్‌ ఇచ్చారు. ఎలిమినేషన్‌ జోన్‌లో ఉన్న వర్షిణి, వంశీలలో ఒకరు హౌస్‌ నుంచి బయటకు వెళ్లాల్సి ఉండగా.. ఎలిమినేషన్‌ను రద్దు చేసి ఆ కంటెస్టెంట్‌ను కాపాడే అవకాశం ముకేశ్‌కు ఇచ్చారు. అయితే అందుకు ప్రతిఫలంగా కెప్టెన్సీతో పాటు దాని ద్వారా లభించిన ఇమ్యూనిటీని కోల్పోవాల్సి ఉంటుందని, నేరుగా నామినేట్‌ అవుతారని నాగార్జున స్పష్టం చేశారు.

ఇప్పటికే వర్షిణి, ముకేశ్‌ మధ్య పెరుగుతున్న సాన్నిహిత్యం బిగ్‌బాస్‌ హౌస్‌లో చర్చనీయాంశంగా మారింది. ఈ నేపథ్యంలో వర్షిణిని కాపాడేందుకు ముకేశ్‌ తన కెప్టెన్సీని, ఇమ్యూనిటీని త్యాగం చేస్తాడా అనే ఆసక్తి నెలకొంది. ప్రోమోలో ముకేశ్‌ తీవ్ర ఆలోచనలో ఉన్నట్లు కనిపించినా.. చివరకు ఆయన ఏ నిర్ణయం తీసుకున్నారో మాత్రం వెల్లడించలేదు. దీంతో తదుపరి ఎపిసోడ్‌పై ఉత్కంఠ నెలకొంది.