విజయ్‌ దూకుడు.. తమిళ రాజకీయాల్లో సంచలనం!

నటుడు నుంచి రాజకీయ నాయకుడిగా మారిన విజయ్ నేతృత్వంలోని తమిళగ వెట్రి కళగం పార్టీ తమిళనాడు రాజకీయాల్లో వేగంగా ఎదుగుతోంది. ప్రధాన ప్రతిపక్షమైన అన్నాడీఎంకే నుంచి పలువురు కీలక నేతలు టీవీకేలో చేరేందుకు సిద్ధమవడం రాష్ట్ర రాజకీయాల్లో సంచలనంగా మారింది. ఈ పరిణామం రాజకీయ వర్గాల్లో తీవ్ర చర్చకు దారితీస్తోంది.

జాతీయ మీడియా కథనాల ప్రకారం కనీసం ఐదుగురు మాజీ మంత్రులు, సుమారు 15 మంది మాజీ ఎమ్మెల్యేలు, వందలాది మంది జిల్లా, నియోజకవర్గ స్థాయి నాయకులు టీవీకేలో చేరే అవకాశం ఉంది. ఈ పరిణామం విజయ్ పార్టీ ప్రభావాన్ని మరింత పెంచుతూ, తమిళనాడు రాజకీయ సమీకరణాలను మార్చే అవకాశంగా భావిస్తున్నారు.