కేంద్ర మంత్రి ఎల్. మురుగన్ రాజీనామా..

తమిళనాడుకు చెందిన కేంద్ర మంత్రి ఎల్. మురుగన్ కేంద్ర మంత్రివర్గం నుంచి వైదొలిగి పార్టీ కార్యకలాపాలపై దృష్టి సారించనున్నట్లు వార్తలు వెలువడ్డాయి. ఈ పరిణామం కేంద్ర ప్రభుత్వంలో మార్పులపై చర్చకు దారితీసింది. అయితే ఆయన రాజీనామాకు సంబంధించిన అధికారిక ప్రకటన, ఇతర వివరాలు వెల్లడికావాల్సి ఉంది.

మరోవైపు, దీపావళికి ముందే కేంద్ర మంత్రివర్గ పునర్వ్యవస్థీకరణ జరిగే అవకాశం ఉందనే ఊహాగానాలు వినిపిస్తున్నాయి. ప్రస్తుతం కనీసం అరడజను మంత్రి పదవులు ఖాళీగా ఉన్నట్లు సమాచారం. పునర్వ్యవస్థీకరణ జరిగితే ఈ ఖాళీల భర్తీతో పాటు మంత్రుల బాధ్యతల్లోనూ మార్పులు చోటుచేసుకునే అవకాశం ఉంది. అయితే దీనిపై కేంద్ర ప్రభుత్వం నుంచి అధికారిక ప్రకటన వెలువడలేదు.