సీఎం విజయ్‌పై ఉదయనిధి స్టాలిన్ సంచలన వ్యాఖ్యలు

తమిళనాడు ఉప ముఖ్యమంత్రి ఉదయనిధి స్టాలిన్ ముఖ్యమంత్రి విజయ్, టీవీకే ప్రభుత్వంపై తీవ్ర విమర్శలు గుప్పించారు. అసెంబ్లీ నిర్వహణ తీరుపై వ్యంగ్య వ్యాఖ్యలు చేస్తూ, రాష్ట్ర అసెంబ్లీని సినిమా హాల్‌గా మార్చేశారని ఆరోపించారు. సీఎం విజయ్ అసెంబ్లీలో కూడా నటించడం ప్రారంభించారని వ్యాఖ్యానిస్తూ రాజకీయ వర్గాల్లో చర్చకు దారితీశారు.

విజయ్ మాట్లాడుతుంటే స్పీకర్ ‘కట్’ చెబుతున్నారని, మళ్లీ ‘యాక్షన్’ అంటే ఆయన నటిస్తున్నారని ఉదయనిధి ఎద్దేవా చేశారు. రేపటి నుంచి అసెంబ్లీకి కార్‌వాన్, మేకప్ మ్యాన్, ఫైట్ మాస్టర్లను కూడా తీసుకురావచ్చని వ్యంగ్యంగా వ్యాఖ్యానించారు. అసెంబ్లీలో మంత్రులు విజిల్స్ వేస్తున్నారని, త్వరలో ఐటమ్ సాంగ్స్‌కు డాన్సులు కూడా చూడాల్సి రావచ్చని వ్యాఖ్యానిస్తూ టీవీకే ప్రభుత్వ పనితీరుపై విమర్శలు చేశారు.