ఉత్కంఠగా తమిళనాడు రాజకీయాలు

తమిళనాడు అసెంబ్లీ ఎన్నికల ఫలితాలతో రాజకీయాల్లో ఉత్కంఠ నెలకొంది. టీవీకే పార్టీ అధినేత విజయ్ నాయకత్వంలో పార్టీ 234 స్థానాల్లో 108 స్థానాలు గెలిచి అతిపెద్ద పార్టీగా అవతరించింది. మెజారిటీకి అవసరమైన సంఖ్య 118 కాగా ఇంకా 10 మంది సభ్యుల మద్దతు అవసరం. డీఎంకే 59 స్థానాలు, అన్నా డీఎంకే 47 స్థానాలు సాధించాయి.

ప్రభుత్వం ఏర్పాటు కోసం విజయ్ ఇతర పార్టీల మద్దతు కోసం ప్రయత్నాలు ప్రారంభించారు. కాంగ్రెస్ 5 స్థానాలు గెలిచి మద్దతు ఇవ్వడానికి సిద్ధంగా ఉన్నట్లు సమాచారం. అలాగే పీఎంకే నుంచి 5 మంది, వామపక్షాల నుంచి 4 మంది, ఇతర చిన్నపార్టీల నుంచి 2 మంది మద్దతు లభించే అవకాశాలు ఉన్నాయి. ఇప్పటికే సంప్రదింపులు ప్రారంభమై, ప్రముఖ నాయకులు విజయ్ నివాసానికి చేరుకుంటున్నారు.