పిఠాపురం మాజీ ఎమ్మెల్యే వర్మకి షాక్

పిఠాపురం రాజకీయాల్లో కీలక పరిణామాలు చోటుచేసుకున్నాయి. పిఠాపురం నియోజకవర్గ టీడీపీ ఇంచార్జ్ బాధ్యతల నుంచి ఎస్వీఎస్ఎన్ వర్మను తప్పించాలని పార్టీ నిర్ణయం తీసుకున్నట్లు తెలుస్తోంది. ఇటీవల నియోజకవర్గంలో వర్మ, జనసేన నేతల మధ్య ఫ్లెక్సీల వివాదం పెద్ద చర్చగా మారింది. ఈ వ్యవహారం కూటమిలో అసంతృప్తికి దారితీసినట్లు సమాచారం.

ఇటీవల డిప్యూటీ సీఎం పవన్ కళ్యాణ్‌తో సీఎం చంద్రబాబు సమావేశమైన సమయంలో వర్మ వ్యవహారం ప్రస్తావనకు వచ్చినట్లు రాజకీయ వర్గాల్లో చర్చ జరుగుతోంది. వర్మ తరచూ వివాదాలకు కారణమవుతున్నారని పవన్ ఫిర్యాదు చేసినట్లు తెలుస్తోంది. ఈ నేపథ్యంలోనే టీడీపీ అధిష్టానం పిఠాపురం బాధ్యతల విషయంలో కీలక నిర్ణయం తీసుకున్నట్లు సమాచారం.