ఏపీ డిప్యూటీ స్పీకర్ ర‌ఘురామ‌కు రాష్ట్ర‌ప‌తి కార్యాల‌యం షాక్‌...

రాజ్యాంగ పదవిలో కొనసాగుతూనే రాజకీయ డిబేట్లలో పాల్గొంటున్నారనే ఆరోపణలతో డిప్యూటీ స్పీకర్ రఘురామకృష్ణ రాజుపై జన భారత్ పార్టీ (JBP) రాష్ట్రపతికి ఫిర్యాదు చేసింది. ఈ ఫిర్యాదును జేబీపీ రాష్ట్ర ప్రధాన కార్యదర్శి పరసా సురేష్ కుమార్ సమర్పించారు. ఈ అంశంపై స్పందించిన రాష్ట్రపతి కార్యాలయం, ఫిర్యాదును తక్షణమే పరిశీలించి పిటీషనర్ నివేదిక ఆధారంగా అవసరమైన చర్యలు తీసుకోవాలని సిఫారసు చేసింది.

ఈ వ్యవహారంపై స్పందించిన జేబీపీ పార్టీ అధినేత జడ శ్రవణ్ కుమార్, డిప్యూటీ స్పీకర్‌పై చర్యలు తీసుకునేందుకు న్యాయస్థానాలను ఆశ్రయించనున్నట్లు తెలిపారు. పిటీషన్‌లో పేర్కొన్న అంశాలపై వెంటనే చర్యలు తీసుకోవాలంటూ రాష్ట్రపతి కార్యాలయం స్పష్టమైన ఆదేశాలు జారీ చేసినట్లు పార్టీ వర్గాలు వెల్లడించాయి.