గ్రాడ్యుయేట్ ఎమ్మెల్సీ ఓటర్ల నమోదుకు నోటిఫికేషన్

తెలంగాణలోని మహబూబ్‌నగర్–రంగారెడ్డి–హైదరాబాద్, వరంగల్–ఖమ్మం–నల్గొండ పట్టభద్రుల ఎమ్మెల్సీ నియోజకవర్గాలకు కొత్త ఓటర్ల జాబితా తయారీ ప్రక్రియ ప్రారంభమైంది. 2026 నవంబర్ 1 నాటికి డిగ్రీ పూర్తై కనీసం మూడేళ్లు పూర్తయిన అర్హులైన పట్టభద్రులు ఓటర్లుగా నమోదు చేసుకోవచ్చు. ఇందుకోసం ఫారం-18 సమర్పించాలి. దరఖాస్తుల స్వీకరణకు నవంబర్ 6 వరకు గడువు ఉంది. ఈ రెండు స్థానాలకు సంబంధించిన ఎమ్మెల్సీల పదవీకాలం 2027 మార్చిలో ముగియనుంది.

ఫారం-18ను సంబంధిత ఎన్నికల నమోదు అధికారి (ఈఆర్వో), సహాయ ఎన్నికల నమోదు అధికారి (ఏఈఆర్వో) కార్యాలయాల్లో సమర్పించవచ్చు. పోస్టు ద్వారా కూడా దరఖాస్తు చేసుకునే అవకాశం ఉంది. పట్టభద్రుల నియోజకవర్గాల ఓటర్ల జాబితాలను ప్రతి ఎన్నికకు ముందు తాజాగా రూపొందించే విధానం ఉండటంతో, ఇప్పటికే జాబితాలో ఉన్నవారు కూడా కొత్తగా దరఖాస్తు చేయాల్సి ఉంటుంది. రాజకీయ పార్టీలు, ఉపాధ్యాయ సంఘాలు అర్హులైన పట్టభద్రులను గుర్తించి నమోదు చేయించేందుకు ఏర్పాట్లు చేస్తున్నాయి.