రాహుల్ పోరాటానికి మద్దతుగా జగ్గారెడ్డి దీక్ష.. ఈసీపై తీవ్ర ఆరోపణలు!

రాహుల్ గాంధీ పోరాటానికి మద్దతుగా కాంగ్రెస్ నేత జగ్గారెడ్డి సంగారెడ్డిలో దీక్ష చేపట్టారు. సంగారెడ్డిలోని అంబేద్కర్ విగ్రహం వద్ద ఆయన నిరసనకు దిగారు. రాహుల్ గాంధీ తన పోరాటాన్ని కొనసాగించినన్ని రోజులు తాను కూడా దీక్ష కొనసాగిస్తానని జగ్గారెడ్డి తెలిపారు. దేశ ప్రజల కోసం రాహుల్ గాంధీ పోరాడుతున్నారని ఆయన పేర్కొన్నారు.

ఈ సందర్భంగా జగ్గారెడ్డి బీజేపీపై పలు ఆరోపణలు చేశారు. ఈసీని అడ్డుపెట్టుకుని బీజేపీ కుట్రలు చేస్తోందని, కాంగ్రెస్‌ను అణగదొక్కేందుకు ప్రధాని మోదీ ప్రయత్నిస్తున్నారని ఆరోపించారు. జ్ఞానేష్ కుమార్ రాజీనామా చేసే వరకు తమ పోరాటాన్ని కొనసాగిస్తామని జగ్గారెడ్డి తెలిపారు. ఈ వ్యాఖ్యలు ఆయన సంగారెడ్డిలో చేపట్టిన దీక్ష సందర్భంగా చేశారు.