లోకసభ, అసెంబ్లీ సీట్ల పెంపు.. కేంద్ర ప్రభుత్వం కీలక నిర్ణయం

లోక్‌సభ మరియు రాష్ట్ర అసెంబ్లీ స్థానాల సంఖ్యను పెంచే దిశగా కేంద్ర ప్రభుత్వం కీలక నిర్ణయం తీసుకున్నట్లు సమాచారం. దేశవ్యాప్తంగా ప్రజాప్రతినిధిత్వాన్ని విస్తరించేందుకు సుమారు 50 శాతం వరకు సీట్లను పెంచాలని యోచిస్తున్నట్లు తెలుస్తోంది.

ఈ ప్రతిపాదన ప్రకారం, లోక్‌సభ స్థానాలు ప్రస్తుతం ఉన్న 543 నుంచి 816కి పెరగనున్నాయి. అలాగే రాష్ట్ర అసెంబ్లీ స్థానాలు 4,123 నుంచి 6,185కి పెంచాలని నిర్ణయించినట్లు సమాచారం. రాష్ట్రాల వారీగా కూడా ఈ మార్పులు ఉండనున్నాయి. తెలంగాణలో అసెంబ్లీ స్థానాలు 179కి, ఆంధ్రప్రదేశ్‌లో 263కి పెరిగే అవకాశం ఉంది.

ఈ అంశంపై బిల్లు ప్రస్తుత పార్లమెంట్ సమావేశాల్లోనే ప్రవేశపెట్టే అవకాశం ఉందని తెలుస్తోంది. 2029 సాధారణ ఎన్నికల నుంచి ఈ మార్పులను అమల్లోకి తీసుకురావాలని కేంద్రం యోచిస్తున్నట్లు సమాచారం. ఈ నిర్ణయాన్ని ఎన్డీఏ సమావేశంలో భాగస్వామ్య పక్షాలకు కేంద్ర ప్రభుత్వం వెల్లడించినట్లు తెలిసింది.