చంద్రబాబు లండన్ పర్యటన – ప్రజా నిధులు వినియోగం లేదు

ఆంధ్రప్రదేశ్ ముఖ్యమంత్రి నారా చంద్రబాబు నాయుడు తన భార్య నారా భువనేశ్వరితో కలిసి శనివారం రాత్రి లండన్ పర్యటనకు వెళ్తున్నారు. ఈ పర్యటన పూర్తిగా వ్యక్తిగతం మాత్రమే కాగా, ఏ ప్రభుత్వ నిధులు లేదా ప్రజా ధనం వినియోగం జరగదని అధికారులు స్పష్టంచేశారు. అన్ని ఖర్చులు స్వయంగా ముఖ్యమంత్రే భరిస్తారు.

ఈ సందర్బంగా నారా భువనేశ్వరికి రెండు అంతర్జాతీయ అవార్డులు లభించనున్నాయి. ఇన్‌స్టిట్యూట్ ఆఫ్ డైరెక్టర్స్ (IOD) ఆమెకు డిస్టింగ్విష్డ్ ఫెలోషిప్ 2025 అవార్డును నాయకత్వం మరియు సామాజిక సేవలో చేసిన కృషికి గుర్తింపుగా ప్రదానం చేయనుంది. అదేవిధంగా, ఆమె కంపెనీ హెరిటేజ్ ఫుడ్స్కు గోల్డెన్ పీకాక్ అవార్డు ఫర్ ఎక్సలెన్స్ ఇన్ కార్పొరేట్ గవర్నెన్స్ లభించనుంది.

ఈ అవార్డులు లండన్‌లో జరిగే ఇన్‌స్టిట్యూట్ ఆఫ్ డైరెక్టర్స్ గ్లోబల్ కన్వెన్షన్లో ప్రదానం చేయబడతాయి. గతంలో డాక్టర్ ఏ.పి.జె. అబ్దుల్ కలాం, గోపిచంద్ హిందూజా, రాజశ్రీ బిర్లా వంటి ప్రముఖులు ఈ అవార్డులను అందుకున్నారు. ఇప్పుడు భువనేశ్వరి కూడా ఆ గౌరవనీయుల జాబితాలో చేరారు.

అవార్డు కార్యక్రమం అనంతరం చంద్రబాబు లండన్‌లో కొన్ని పరిశ్రమాధిపతులు మరియు భారతీయ కమ్యూనిటీ సభ్యులను కలుసుకుని, నవంబర్ 14–15 తేదీల్లో విశాఖపట్నంలో జరగబోయే CII పార్టనర్‌షిప్ సమ్మిట్‌కు ఆహ్వానించనున్నారు. ముఖ్యమంత్రి నవంబర్ 6న భారత్‌కు తిరిగి రానున్నారు.