ఎన్నికల కమిషన్ కార్యాలయం ఎదుట వైసీపీ నేతల నిరసన..

విజయవాడలోని ఆంధ్రప్రదేశ్ రాష్ట్ర ఎన్నికల సంఘం (ఎస్‌ఈసీ) కార్యాలయ ప్రాంగణంలో నిరసన తెలిపిన వైఎస్సార్ కాంగ్రెస్ పార్టీ నేతలపై పోలీసులు కేసులు నమోదు చేశారు. ఎన్నికల సంఘం కార్యాలయ ప్రాంగణంలో నిరసన కార్యక్రమం చేపట్టిన వ్యవహారంలో ఈ కేసులు నమోదయ్యాయి.

ఎస్‌ఈసీ జాయింట్ డైరెక్టర్ రామారావు ఇచ్చిన ఫిర్యాదు ఆధారంగా సూర్యారావుపేట పోలీసులు 14 మంది వైసీపీ నేతలపై కేసులు నమోదు చేశారు. ఈ కేసులకు సంబంధించిన తదుపరి వివరాలు, పోలీసుల దర్యాప్తు అంశాలు తెలియాల్సి ఉంది.