ప్రకాశ్ రాజ్‌పై చర్యలు తీసుకోవాలన్న బీజేపీ

బీజేపీ సీనియర్ నాయకుడు ఎస్. విష్ణువర్ధన్ రెడ్డి సినీ నటుడు ప్రకాశ్ రాజ్‌పై సుమోటో కేసు నమోదు చేసి వెంటనే అరెస్ట్ చేయాలని డిమాండ్ చేశారు. కొందరు వ్యక్తులు ఆంధ్రప్రదేశ్‌లో ఉద్రిక్త పరిస్థితులు సృష్టించే ప్రయత్నం చేస్తున్నారని ఆయన ఆరోపించారు. హిందూ ధర్మం, శ్రీరాముడు, సీతాదేవిపై అవమానకర వ్యాఖ్యలు చేసి ప్రజలను రెచ్చగొట్టే ప్రయత్నం జరుగుతోందని పేర్కొన్నారు.

ప్రకాశ్ రాజ్‌కు సంబంధించిన ఆడియో బయటకు రావడం ఈ ఆరోపణలకు నిదర్శనమని ఆయన అన్నారు. అలాగే ప్రధాని, ఏపీ ముఖ్యమంత్రి, ఉప ముఖ్యమంత్రి పవన్ కళ్యాణ్‌పై అనుచిత వ్యాఖ్యలు చేశారని ఆరోపించారు. ఆంధ్రప్రదేశ్, కర్ణాటక, తెలంగాణ రాష్ట్రాలకు సంబంధించిన ఈ వ్యవహారంపై సిట్‌తో సమగ్ర విచారణ జరిపించి, బాధ్యులపై కఠిన చర్యలు తీసుకోవాలని ఆయన ప్రభుత్వాన్ని కోరారు.