కేటీఆర్‌కు బండి సంజయ్ కౌంటర్

భారతీయ జనతా పార్టీ నేత బండి సంజయ్, భారత రాష్ట్ర సమితి కార్యనిర్వాహక అధ్యక్షుడు కేటీఆర్‌పై తీవ్ర స్థాయిలో విమర్శలు గుప్పించారు. కేటీఆర్‌లా దోపిడీలు చేయడం, రైతులను ఇబ్బందులకు గురిచేయడం తమకు తెలియదని ఆయన వ్యాఖ్యానించారు. అలాగే మాదకద్రవ్యాల ఆరోపణలను ప్రస్తావిస్తూ కూడా కేటీఆర్‌పై తీవ్ర విమర్శలు చేశారు.

కాళేశ్వరం, ఈ-ఫార్ములా, విద్యుత్ కొనుగోళ్ల వ్యవహారాల్లో అవినీతి జరిగిందని ఆరోపించిన బండి సంజయ్, కేటీఆర్ తన మాటలను అదుపులో పెట్టుకోవాలని హెచ్చరించారు. అహంకారం కారణంగానే కేసీఆర్ ప్రజలకు దూరమై వ్యవసాయ క్షేత్రానికే పరిమితమయ్యారని అన్నారు. ఎంత ప్రయత్నించినా భారత రాష్ట్ర సమితి మళ్లీ అధికారంలోకి రాదని బండి సంజయ్ వ్యాఖ్యానించారు.