ఆంధ్రప్రదేశ్‌లో ఈవీ విప్లవం – హిందూజా గ్రూప్‌తో రూ.20 వేల కోట్లు పెట్టుబడి ఒప్పందం!

ఆంధ్రప్రదేశ్‌ను ఎలక్ట్రిక్ వాహనాల తయారీ, పునరుత్పాదక శక్తి కేంద్రంగా తీర్చిదిద్దాలన్న సీఎం నారా చంద్రబాబు నాయుడు దృష్టి ఫలిస్తోంది. ఈ దిశగా ఆయన నడిపిస్తున్న పెట్టుబడి మిషన్‌లో మరో పెద్ద అడుగు పడింది.

ప్రఖ్యాత హిందూజా గ్రూప్‌ ఆంధ్రప్రదేశ్ ప్రభుత్వంతో రూ.20,000 కోట్ల పెట్టుబడికి ఒప్పందం (MoU) చేసుకుంది. ఈ భారీ ఒప్పందం కింద రాష్ట్రంలో నాలుగు కీలక ప్రాజెక్టులు అమలుకానున్నాయి.

పవర్ ఎక్స్‌పాంషన్ (విశాఖ): ప్రస్తుతం ఉన్న 1,050 మెగావాట్ల హెచ్‌ఎన్‌పీసీఎల్‌ ప్లాంట్‌ను మరో 1,600 మెగావాట్లతో విస్తరించడం.

రిన్యూవబుల్ ఎనర్జీ (రాయలసీమ): పెద్ద ఎత్తున సౌర, వాయు విద్యుత్ ప్రాజెక్టుల స్థాపన.

ఈవీ మాన్యుఫాక్చరింగ్ (మల్లవల్లి, కృష్ణ): ఆధునిక ఎలక్ట్రిక్ బస్సులు, లైట్ వాహనాల తయారీ ప్లాంట్ నిర్మాణం.

ఈవీ చార్జింగ్ నెట్‌వర్క్: రాష్ట్రవ్యాప్తంగా చార్జింగ్ సదుపాయాల అభివృద్ధి.

ఈ ప్రాజెక్టులతో ఆంధ్రప్రదేశ్‌ పరిశ్రమల వృద్ధితో పాటు గ్రీన్‌ ఎనర్జీ దిశగా వేగంగా ముందుకు సాగుతోంది.