ఓటీటీలో దుమ్మురేపుతున్న ధనుష్ ‘ఇడ్లీ కొట్టు’ – నెట్‌ఫ్లిక్స్ గ్లోబల్ ట్రెండింగ్‌లో సెన్సేషన్!

తమిళ స్టార్ హీరో ధనుష్ నటించి, దర్శకత్వం వహించిన ‘ఇడ్లీ కడై’ (తెలుగులో ‘ఇడ్లీ కొట్టు’) సినిమా బాక్సాఫీస్ వద్ద మంచి విజయాన్ని సాధించింది. ధనుష్ స్వీయ దర్శకత్వంలో రూపొందిన ఈ చిత్రానికి ప్రేక్షకులు మంచి ప్రశంసలు అందించారు.

ఇప్పటికే ఈ సినిమా ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ అవుతున్న విషయం తెలిసిందే. స్ట్రీమింగ్ ప్రారంభమైన కొద్ది రోజుల్లోనే, ఈ చిత్రం గ్లోబల్ ట్రెండింగ్ లిస్ట్‌లో రెండవ స్థానానికి చేరి సెన్సేషన్ సృష్టించింది.

తెలుగు, తమిళం, హిందీ, కన్నడ, మలయాళం భాషల్లో స్ట్రీమింగ్ అవుతున్న ఈ చిత్రం, కుటుంబ భావోద్వేగాలు, సహజమైన కథనం, మరియు ధనుష్ అద్భుత నటనతో ప్రేక్షకులను ఆకట్టుకుంటోంది.

ఈ సినిమాలో ధనుష్ తన పర్ఫార్మెన్స్‌తో మెప్పించాడు. నిత్యా మీనన్ హీరోయిన్‌గా నటించగా, అరుణ్ విజయ్, సత్యరాజ్, సముద్రఖని, షాలినీ పాండే, ఆర్.పార్థీబన్, రాజ్‌కిరణ్ తదితరులు ఇతర ముఖ్య పాత్రల్లో కనిపించారు.