హైదరాబాద్‌లో ‘యూత్’ ఫ్రెషర్స్ మీట్ సందడి

తమిళ సినిమా ‘యూత్’ ఫ్రెషర్స్ మీట్ హైదరాబాద్‌లో సినీ ప్రముఖుల సమక్షంలో ఉత్సాహంగా జరిగింది. కెన్ కరుణాస్, అనిష్మా అనిల్ కుమార్, దేవదర్శిని చేతన్, సూరజ్ వెంకటరాముడు, ప్రియాంశి యాదవ్, మీనాక్షి దినేష్ ప్రధాన పాత్రల్లో నటించిన ఈ సినిమాను హౌస్‌ఫుల్ వినీత్, సందీప్‌లు ఈటూసీ బ్యానర్‌పై తెలుగులో విడుదల చేస్తున్నారు. కెన్ కరుణాస్ మరియు టీమ్ దర్శకత్వంలో రూపొందిన ఈ చిత్రం ఈ నెల 26 న థియేటర్లలో విడుదలకు సిద్ధంగా ఉంది. “కమ్ విత్ యువర్ గ్యాంగ్, నో ఏజ్ లిమిట్” అనే స్లోగన్‌తో ప్రచారం కొనసాగుతోంది.

ఈ కార్యక్రమంలో పలువురు దర్శకులు, నటులు సినిమా కంటెంట్, సంగీతం, యూత్ అంశాలపై ప్రశంసలు తెలిపారు. ఈ సినిమా యువతతో పాటు కుటుంబ ప్రేక్షకులను కూడా ఆకట్టుకుంటుందని చిత్రబృందం నమ్మకం వ్యక్తం చేసింది. ఇప్పటికే విడుదలైన టీజర్, పాటలు మంచి స్పందన పొందడంతో సినిమాపై అంచనాలు పెరిగాయి. యథార్థ జీవితానికి దగ్గరగా ఉండే కథతో పూర్తి వినోదాన్ని అందించే ఈ చిత్రాన్ని ప్రేక్షకులు థియేటర్లలో చూసి ఆదరించాలని చిత్ర యూనిట్ కోరింది.