పెద్ది సినిమాలో రై రై రారా లాంటి గొప్ప పాట రాయడం నా అదృష్టం: అనంత శ్రీరామ్

మెగా పవర్ స్టార్ రామ్ చరణ్ నటిస్తున్న భారీ చిత్రం పెద్ది లోని రెండో పాట ‘రై రై రారా’ దేశవ్యాప్తంగా మంచి స్పందన పొందుతోంది. యూట్యూబ్‌లో రికార్డు స్థాయి వ్యూస్‌తో ట్రెండింగ్‌లో కొనసాగుతోంది. రామ్ చరణ్ డ్యాన్స్‌, దర్శకుడు బుచ్చిబాబు సానా చిత్రీకరణ, ఏఆర్ రెహ్మాన్ సంగీతం, జానీ మాస్టర్ కొరియోగ్రఫీ కలిసి ఈ పాటను వైరల్ హిట్‌గా నిలబెట్టాయి.

ఈ పాట గురించి లిరిక్ రైటర్ అనంత శ్రీరామ్ మాట్లాడుతూ, పెద్ద సినిమాలో ఇలాంటి గొప్ప పాట రాయడం తన అదృష్టమని తెలిపారు. మాస్ పాటలో ఫిలాసఫీని చెప్పే విధంగా ఈ పాటను రూపొందించామని చెప్పారు. దర్శకుడు బుచ్చిబాబు సానాతో కలిసి చాలా చర్చల తర్వాత ఈ సాహిత్యం రూపుదిద్దుకుందని వెల్లడించారు. ఈ పాటను యువతకు ప్రేరణగా నిలిచేలా ఒక యాంథమ్‌లా రాయాలని భావించామని చెప్పారు. సాధారణంగా మాట్లాడుకునే భాషలోనే లోతైన భావం ఉండేలా సాహిత్యం రూపొందించామని తెలిపారు.

వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్న ఈ చిత్రం ఏప్రిల్ 30 న ప్రపంచవ్యాప్తంగా విడుదల కానుంది.