గ్రీస్‌లో అనిరుధ్‌, కావ్య మారన్‌ పెళ్లి సందడి?

ప్రముఖ సంగీత దర్శకుడు అనిరుధ్‌ రవిచందర్‌, సన్‌రైజర్స్‌ హైదరాబాద్‌ సహ యజమాని కావ్య మారన్‌ గ్రీస్‌లో వివాహ వేడుకలు నిర్వహించేందుకు సిద్ధమవుతున్నట్లు వార్తలు వస్తున్నాయి. చెన్నై నుంచి వివాహ వేదికకు కుటుంబ సభ్యులు, అతిథులను తరలించేందుకు నాలుగు ప్రత్యేక విమానాలను ఏర్పాటు చేసినట్లు సమాచారం. మారన్‌ కుటుంబంతో పాటు తమిళనాడు ముఖ్యమంత్రి ఎంకే స్టాలిన్‌ కుటుంబం, అనిరుధ్‌ కుటుంబ సభ్యులు, సూపర్‌స్టార్‌ రజనీకాంత్‌ కుటుంబం ఈ వేడుకలకు హాజరుకానున్నట్లు తెలుస్తోంది.

వివాహం సందర్భంగా మూడు వేర్వేరు ప్రాంతాల్లో విందు కార్యక్రమాలు నిర్వహించనున్నట్లు సమాచారం. సన్‌ నెట్‌వర్క్‌ ఉద్యోగుల కోసం ప్రత్యేకంగా ఒక విందు ఏర్పాటు చేయనున్నట్లు, సినీ ప్రముఖులు, వ్యాపారవేత్తలు, ఇతర అతిథుల కోసం వేర్వేరు కార్యక్రమాలు ఉండనున్నట్లు కథనాలు పేర్కొంటున్నాయి. సినీ, రాజకీయ రంగాలకు చెందిన ప్రముఖుల కోసం చెన్నైలో మరో భారీ విందు నిర్వహించనున్నట్లు తెలుస్తోంది. అయితే, ఈ వివరాలపై అధికారిక ప్రకటన వెలువడలేదు.