పెద్ది మ్యూజిక్ ఫస్ట్ ప్లాన్ బాక్స్ ఆఫీస్ వద్ద సక్సెస్ అవుతుందా ?

ఈ రోజుల్లో సినిమాకు సంగీతం ఎంత కీలకమో పెద్ది టీమ్ బాగా అర్థం చేసుకుంది. రామ్ చరణ్, జాన్వీ కపూర్ హీరోహీరోయిన్లుగా నటించిన ఈ చిత్రానికి బుచ్చిబాబు సనా దర్శకత్వం వహిస్తుండగా, సంగీతం ఏ.ఆర్. రెహ్మాన్ అందిస్తున్నారు. తాజాగా విడుదలైన మొదటి పాట చికిరి చికిరి రికార్డ్ స్థాయిలో వ్యూస్ సాధించి, సోషల్ మీడియాలో వైరల్ అయింది. విడుదలకు ఇంకా ఐదు నెలలు ఉండగానే ఈ పాటను విడుదల చేయడం రిస్కీ అయినా, తెలివైన నిర్ణయంగా మారింది. ఈ పాట హిట్ కావడంతో సినిమా మీద హైప్ మరింత పెరిగింది.

ఇక నూతన సంవత్సరానికి రెండవ పాట విడుదల చేయాలని మేకర్స్ ప్లాన్ చేస్తున్నారు. ఈసారి చరణ్ మాస్ థీమ్ సాంగ్‌గా రాబోతుందన్న సమాచారం ఉంది. ఉప్పెన సినిమా సమయంలో సంగీత హిట్స్ ద్వారా బుచ్చిబాబు సాధించిన ఫార్ములాను ఇప్పుడు పెద్ది కోసం పునరావృతం చేస్తున్నాడు. శివరాజ్‌కుమార్, జగపతి బాబు, దివ్యేందు శర్మ కీలక పాత్రల్లో నటించిన ఈ చిత్రాన్ని వృద్ధి సినిమాస్, మైత్రీ మూవీ మేకర్స్, సుకుమార్ రైటింగ్స్ సంస్థలు భారీ స్థాయిలో నిర్మిస్తున్నాయి. పెద్ది మార్చి 27, 2026 న గ్రాండ్ థియేట్రికల్ రిలీజ్‌కు సిద్ధమవుతోంది.