విజయ్ దేవరకొండ కొత్త సినిమాలో ‘మమ్మీ’ నటుడు... అభిమానుల నుంచి మిశ్రమ స్పందనలు

విజయ్ దేవరకొండ – రాహుల్ సంకృత్యాన్ కాంబినేషన్‌లో రూపొందుతున్న కొత్త సినిమా మరోసారి కాస్టింగ్ కారణంగా హాట్ టాపిక్‌గా మారింది. లైగర్ సమయంలో మైక్ టైసన్‌ను తీసుకోవడంతో భారీ అంచనాలు ఏర్పడినప్పటికీ, ఫలితం నిరాశపరిచింది. అందుకే ఈసారి ఇలాంటి కాస్టింగ్ అప్డేట్స్ పై అభిమానులు ఎక్కువగా అప్రమత్తంగా ఉన్నారు.

తాజా సమాచార ప్రకారం, The Mummy సినిమాలో నటనతో ప్రపంచవ్యాప్తంగా గుర్తింపు పొందిన దక్షిణాఫ్రికా నటుడు ఆర్నాల్డ్ వోస్లో ఈ చిత్రంలో కీలక పాత్ర పోషించనున్నాడని వార్తలు వినిపిస్తున్నాయి. ఈ సమాచారం బయటకు రావడంతో అభిమానుల్లో మిశ్రమ స్పందనలు కనిపిస్తున్నాయి.

అభిమానుల్లో కొందరు అంతర్జాతీయ స్థాయి నటులు తెలుగు సినిమాల్లో నటించడం పాజిటివ్‌గా చూస్తున్నప్పటికీ, మరికొందరు లైగర్ పరిస్థితి మళ్లీ రిపీట్ అవుతుందేమోనని ఆందోళన చెందుతున్నారు. మైక్ టైసన్ కూడా ఆ చిత్రానికి అసలు ఉపయోగం కాలేదని వారి వ్యాఖ్య. ఇప్పటికే వరుస వైఫల్యాలతో ఉన్న విజయ్‌కు ఇలాంటి కాస్టింగ్ నిజంగా అవసరమా? అనే డౌట్స్ వ్యక్తమవుతున్నాయి.

అయితే మరోవైపు, విజయ్–రాహుల్ కాంబినేషన్ గతంలో టాక్సీవాలా రూపంలో మంచి హిట్ ఇచ్చినందువల్ల ఈసారి కూడా మంచి కంటెంట్‌తో విజయ్ తిరిగి ఫామ్‌లోకి వస్తాడనే నమ్మకం అభిమానుల్లో ఉంది.