‘రణబాలి’కి విజయ్ దేవరకొండ ఫుల్ స్టాప్.. షూటింగ్ పూర్తి!

రౌడీ స్టార్ విజయ్ దేవరకొండ నటిస్తున్న తాజా చిత్రం ‘రణబాలి’ షూటింగ్ పనులు పూర్తయ్యాయి. ఇప్పటికే ఈ సినిమాను అక్టోబర్ 16న దసరా కానుకగా థియేటర్లలో విడుదల చేయనున్నట్లు మేకర్స్ ప్రకటించారు. గతంలో విడుదలైన టీజర్‌కు ప్రేక్షకుల నుంచి మంచి స్పందన రావడంతో సినిమాపై అంచనాలు పెరిగాయి. షూటింగ్ పూర్తవడంతో ప్రకటించిన తేదీకి సినిమా విడుదల చేసేందుకు మేకర్స్ సిద్ధమవుతున్నారు.

‘టాక్సీవాలా’, ‘శ్యామ్ సింగరాయ్’ చిత్రాలతో గుర్తింపు తెచ్చుకున్న రాహుల్ సాంకృత్యన్ ఈ పీరియాడిక్ డ్రామాకు దర్శకత్వం వహిస్తున్నారు. మైత్రీ మూవీ మేకర్స్ భారీ స్థాయిలో నిర్మిస్తున్న ఈ చిత్రంలో విజయ్ దేవరకొండకు జోడీగా రష్మిక మందన్న నటిస్తున్నారు. హాలీవుడ్ నటుడు ఆర్నాల్డ్ వోస్లూ ప్రతినాయకుడి పాత్రలో కనిపించనున్నారు. షూటింగ్ పూర్తవడంతో త్వరలోనే ప్రమోషన్ కార్యక్రమాలను వేగవంతం చేసేందుకు చిత్రబృందం ప్రణాళికలు సిద్ధం చేస్తోంది.