ది రాజా సాబ్ ఉత్తరాంధ్ర రైట్స్ భారీ డీల్ - ఈ సినిమా స్పెషల్ ఏమిటి?

ది రాజా సాబ్‌ మొదటి సింగిల్ కోసం ప్రభాస్ అభిమానులు ఆసక్తిగా ఎదురు చూస్తున్నారు. సోషల్ మీడియాలో కొన్ని అన్‌అఫీషియల్ రిపోర్ట్స్ వచ్చినప్పటికీ, మేకర్స్ ఇంకా ఎలాంటి అధికారిక ప్రకటన చేయలేదు. అయినప్పటికీ సినిమా బిజినెస్ మాత్రం బాగా వేగంగా సాగుతోంది. తాజా సమాచారం ప్రకారం, ది రాజా సాబ్‌ ఉత్తరాంధ్ర రైట్స్ డీల్ పూర్తిగా ముగిసింది, ఇది చిత్రానికి మంచి బజ్‌ను తీసుకొచ్చింది.

కోస్తా ఆంధ్రాలో అత్యంత కీలకమైన టెరిటరీగా భావించే ఉత్తరాంధ్ర మొత్తం వ్యాపారంలో నాల్గవ వంతుకు పైగా కవర్ చేస్తుంది. సంక్రాంతి పోటీ ఉన్నప్పటికీ, జనవరి 9న విడుదల కానున్న ది రాజా సాబ్‌ ఉత్తరాంధ్ర రైట్స్ భారీ మొత్తానికి అమ్ముడయ్యాయి. పూర్వి పిక్చర్స్ మొత్తం ₹19 కోట్లకు (GST సహా) ఈ రైట్స్‌ను సొంతం చేసుకుంది. ఈ రేట్ చూసుకుంటే, కోస్తా ఆంధ్రా (6 టెరిటరీలు) కలిపి వ్యాపారం సుమారు ₹75 కోట్ల వరకు చేరే అవకాశం ఉందని చెప్పొచ్చు.

ఇక, ఈ వారం నుంచి ది రాజా సాబ్‌  ప్రమోషన్లు ధీమాగా ప్రారంభం కానున్నాయి. చిత్రంలోని మొదటి పాటకు సంబంధించిన అప్‌డేట్ కూడా ఇదే వీకెండ్‌లో బయటకు వచ్చే అవకాశం ఉంది. జనవరి 9 విడుదల పై ఎటువంటి మార్పు లేదని, వాయిదా అనే విషయం ఉండదని మేకర్స్ ఇప్పటికే డిస్ట్రిబ్యూటర్లకు స్పష్టంగా చెప్పారని సమాచారం.