కొత్త మూవీ ఫై ఇంకా నిర్ణయం తీసుకోలేదు - డైరెక్టర్ అనిల్ రావిపూడి

“నేను ఇంకా పేపర్ మీద కలం కూడా పెట్టలేదు”, అంటూ దర్శకుడు అనిల్ రావిపూడి సరదాగా స్పందించారు. కథ, టైటిల్ ఏమీ ఫైనల్ కాకముందే నటీనటులు, సినిమా పేరు అన్నీ ఖరారు చేసినట్లు వార్తలు రావడంపై ఆయన ఆశ్చర్యం వ్యక్తం చేశారు. ఈ వేగం చూస్తుంటే యాక్షన్, కట్ కూడా చెప్పేస్తారేమో అంటూ నవ్వుతూ వ్యాఖ్యానించారు.

అభిమానుల ఉత్సాహాన్ని తాను అర్థం చేసుకుంటున్నానని అనిల్ రావిపూడి తెలిపారు. అయితే తాను చేయబోయే సినిమా ఏంటి, ఎవరి తో చేస్తారు అనే విషయాలపై నిజమైన పూర్తి వివరాలను చాలా త్వరలో అధికారికంగా వెల్లడిస్తామని స్పష్టం చేశారు. అప్పటి వరకు ఎలాంటి ఊహాగానాలకు తావు ఇవ్వవద్దని ఆయన సూచించారు.