శ్రీనివాస మంగాపురం టీజర్ విడుదల.. జయకృష్ణ ఘట్టమనేని హీరోగా ఎంట్రీ

సూపర్ స్టార్ మహేశ్ బాబు కుటుంబం నుంచి మరో కొత్త హీరో ఇండస్ట్రీకి పరిచయం అవుతున్నారు. మహేశ్‌బాబు సోదరుడు రమేశ్‌బాబు తనయుడు జయకృష్ణ ఘట్టమనేని శ్రీనివాస మంగాపురం సినిమా ద్వారా హీరోగా ఎంట్రీ ఇస్తున్నారు. ఈ సినిమాలో బాలీవుడ్ నటి రవీనా టాండన్ కుమార్తె రషా థడానీ హీరోయిన్‌గా నటిస్తోంది. ఇది ఆమెకు తొలి తెలుగు చిత్రం కావడం విశేషం. సీనియర్ నటుడు మోహన్ బాబు కీలక పాత్రలో కనిపించనున్నారు.

ఆర్‌ఎక్స్ 100 ఫేమ్ దర్శకుడు అజయ్ భూపతి ఈ చిత్రాన్ని తెరకెక్కిస్తున్నారు. తాజాగా ఈ మూవీ టీజర్‌ను మహేశ్ బాబు తన సోషల్ మీడియా ద్వారా విడుదల చేసి, చిత్రబృందానికి శుభాకాంక్షలు తెలిపారు. శ్రీనివాస మంగాపురం నేపథ్యంలో రూపొందుతున్న ఈ సినిమా రొమాంటిక్ యాక్షన్ డ్రామాగా తెరకెక్కుతోంది. టీజర్‌లో జయకృష్ణ, రషా జోడీ ఆకట్టుకునేలా కనిపించింది. కొత్త జంట కెమిస్ట్రీ ప్రేక్షకుల్లో ఆసక్తిని పెంచుతోంది.