సాయి పల్లవి ఫస్ట్ లవ్ లెటర్ స్టోరీ వైరల్

నటి సాయి పల్లవి కొన్ని సంవత్సరాల క్రితం తన చిత్రం 'విరాట పర్వం' ప్రమోషన్స్ సందర్భంగా చిన్ననాటి ఓ ఆసక్తికర సంఘటనను పంచుకున్నారు. సినిమాలో తన పాత్ర ఒక ముఖ్యమైన లేఖ రాసే నేపథ్యంలో, నిజ జీవితంలో ఎప్పుడైనా ప్రేమలేఖ రాశారా అని ఇంటర్వ్యూయర్ అడగగా, తాను ఏడో తరగతిలో చదువుతున్నప్పుడు ఒక అబ్బాయికి ప్రేమలేఖ రాసినట్లు ఆమె నవ్వుతూ వెల్లడించారు.

అయితే ఆ లేఖను తన తల్లిదండ్రులు గుర్తించి తీవ్రంగా మందలించడంతో పాటు శిక్షించారని సాయి పల్లవి గుర్తు చేసుకున్నారు. ఆ ఘటన తనపై ఎంతో ప్రభావం చూపిందని, ఆ తర్వాత జీవితంలో మళ్లీ ఎప్పుడూ ఎవరికీ ప్రేమలేఖ రాయలేదని తెలిపారు. ఆమె చెప్పిన ఈ చిన్ననాటి జ్ఞాపకం అప్పట్లో అభిమానులను ఆకట్టుకుంది.