‘వారణాసి’పై ఆసక్తికర విషయాలు వెల్లడించిన ప్రియాంక చోప్రా

మహేష్ బాబు, ఎస్.ఎస్. రాజమౌళి కాంబినేషన్‌లో తెరకెక్కుతున్న ప్రతిష్టాత్మక చిత్రం ‘వారణాసి’పై గ్లోబల్ స్టార్ ప్రియాంక చోప్రా కొత్త విషయాలు వెల్లడించారు. అంతర్జాతీయంగా ప్రసిద్ధి చెందిన ‘హే జోనాస్’ పోడ్‌కాస్ట్‌లో పాల్గొన్న ఆమె గత 14 నెలలుగా ఈ చిత్రం కోసం పనిచేస్తున్నానని తెలిపారు. రాజమౌళి ప్రతి సన్నివేశాన్ని ఎంతో శ్రద్ధగా రూపొందిస్తారని, అందుకే సినిమా నిర్మాణానికి ఎక్కువ సమయం పడుతోందని పేర్కొన్నారు.

ఈ చిత్రం ప్రపంచవ్యాప్తంగా సాగే అద్భుతమైన టైమ్ ట్రావెల్ అడ్వెంచర్ అని ప్రియాంక వెల్లడించారు. ఇందులో సవాళ్లతో కూడిన యాక్షన్ స్టంట్లు, స్లో-మోషన్ సన్నివేశాల్లో నటించినట్లు కూడా హింట్ ఇచ్చారు. తన 24 ఏళ్ల సినీ ప్రయాణంలో ఇదే అత్యంత ప్రతిష్టాత్మక చిత్రం అని ఆమె చెప్పడంతో సినిమాపై ఆసక్తి మరింత పెరిగింది. మహేష్ బాబు హీరోగా, పృథ్వీరాజ్ సుకుమారన్ విలన్‌గా నటిస్తున్న ఈ చిత్రానికి ఎంఎం కీరవాణి సంగీతం అందిస్తుండగా, సుమారు ₹1,200 కోట్ల భారీ బడ్జెట్‌తో రూపొందుతోంది.