‘పెద్ది’: కథేంటి?

భారీ స్థాయిలో తెరకెక్కుతున్న పాన్ ఇండియా చిత్రం ‘పెద్ది’పై రోజురోజుకీ ఆసక్తి పెరుగుతోంది. బుచ్చిబాబు సానా దర్శకత్వంలో రూపొందుతున్న ఈ సినిమా టాలీవుడ్‌లో హాట్ టాపిక్‌గా మారింది. ప్రారంభంలో ఇది స్పోర్ట్స్ డ్రామా అని ప్రచారం జరిగినప్పటికీ, అసలు కథ గ్రామం ఆత్మగౌరవం చుట్టూ తిరుగుతుందని సమాచారం.

కథలో క్రీడలు గ్రామ ప్రజలను ఒక్కతాటిపైకి తీసుకువచ్చే శక్తిగా చూపించనున్నారని టాక్. ఇందులో శివరాజ్‌కుమార్ కోచ్ పాత్రలో కనిపించనుండగా, జగపతిబాబు హీరో తండ్రిగా నటించనున్నారని సమాచారం. కుస్తీ, క్రికెట్ వంటి క్రీడలు కథలో కీలక పాత్ర పోషిస్తాయని తెలుస్తోంది. గ్రామీణ వాతావరణం, భావోద్వేగ కథనం ఈ సినిమాకు ప్రధాన ఆకర్షణగా నిలవనున్నాయి.