విజయ్, బన్నీ సినిమాలతో ధనుష్ సినిమాకి పోలికలు?

‘అమరన్’తో భారీ విజయాన్ని అందుకున్న దర్శకుడు రాజ్‌కుమార్ పెరియసామి ఇప్పుడు ధనుష్ హీరోగా ‘ఓం’ చిత్రాన్ని తెరకెక్కిస్తున్నాడు. మమ్ముట్టి, సాయి పల్లవి కీలక పాత్రల్లో నటిస్తుండగా, సాయి అభ్యంకర్ సంగీతం అందిస్తున్నారు. ఇటీవల విడుదలైన ప్రచార చిత్రాలు సినిమాపై అంచనాలను పెంచాయి. అయితే కథలోని ప్రధాన అంశాలను ముందుగానే ప్రేక్షకులు ఊహించేస్తుండటం ఇప్పుడు చర్చనీయాంశంగా మారింది. ఐపీఎస్ అధికారిణి సాయి పల్లవి ఆదేశాలతో మమ్ముట్టి గ్యాంగ్‌లోకి వెళ్లిన ధనుష్, అక్కడ పోలీసుల అక్రమాలను చూసి వారికే ఎదురు తిరిగి మమ్ముట్టితో కలుస్తాడనే ప్రచారం జరుగుతోంది.

ఈ కథాంశం విజయ్ దేవరకొండ ‘కింగ్‌డమ్’, అల్లు అర్జున్ ‘పుష్ప’ చిత్రాలను గుర్తు చేస్తోందని నెటిజన్లు అభిప్రాయపడుతున్నారు. ముఖ్యంగా ఎర్రచందనం స్మగ్లింగ్ నేపథ్యంలో కథ సాగడం ఆసక్తిని పెంచుతోంది. అయితే ట్రైలర్‌లోనే కథను ఎక్కువగా బయటపెట్టడం మేకర్స్‌కు ఇబ్బందిగా మారే అవకాశముంది. కొత్త మలుపులు, అనూహ్యమైన సన్నివేశాలతో దర్శకుడు ప్రేక్షకులను ఆశ్చర్యపరచకపోతే సినిమా సాధారణ కథగానే మిగిలిపోవచ్చనే అభిప్రాయాలు వ్యక్తమవుతున్నాయి.