రామ్ చరణ్ అభిమానులకు డబుల్ ట్రీట్.. భారీ తెరపై ‘పెద్ది’ సందడి!

మెగా పవర్ స్టార్ రామ్ చరణ్ నటిస్తున్న పెద్ది చిత్రం విడుదలకు ముందే భారీ అంచనాలను సొంతం చేసుకుంటోంది. బుచ్చిబాబు సనా దర్శకత్వంలో తెరకెక్కుతున్న ఈ స్పోర్ట్స్ యాక్షన్ డ్రామాపై ఇప్పటికే విశేష ఆసక్తి నెలకొనగా, తాజాగా చిత్రబృందం మరో కీలక ప్రకటన చేసింది. ఈ చిత్రాన్ని ఐమాక్స్ ఫార్మాట్‌లో కూడా విడుదల చేయనున్నట్లు వెల్లడించడంతో అభిమానుల్లో ఉత్సాహం మరింత పెరిగింది.

గ్రామీణ నేపథ్యంలో 1980ల కాలాన్ని ప్రతిబింబించే ఈ కథ సామాజిక అసమానతలకు ఎదురు నిలిచే యువకుడి ప్రయాణాన్ని ఆవిష్కరించనున్నట్లు సమాచారం. భారీ నిర్మాణ వ్యయం, విస్తృతమైన సెట్లు, అద్భుతమైన ఛాయాగ్రహణం సినిమాకు ప్రధాన ఆకర్షణలుగా నిలవనున్నాయి. కథానాయికగా జాన్వీ కపూర్ నటిస్తుండగా, శివరాజ్ కుమార్, జగపతి బాబు, దివ్యేందు శర్మ కీలక పాత్రలు పోషిస్తున్నారు. మైత్రీ మూవీ మేకర్స్, సుకుమార్ రైటింగ్స్, వృద్ధి సినిమాస్ సంస్థలు సంయుక్తంగా నిర్మిస్తున్న ఈ చిత్రం ప్రపంచవ్యాప్తంగా భారీ స్థాయిలో విడుదల కానుంది.