పెద్ది రిలీజ్ డేట్ పై మెగా పవర్ స్టార్ క్లారిటీ!

మెగా పవర్‌స్టార్ రామ్ చరణ్ నటిస్తున్న బిగ్ బడ్జెట్ చిత్రం పెద్ది విడుదల తేదీపై ఇటీవల ఏర్పడిన గందరగోళం అంతా తొలగిపోయింది. మొదట చరణ్ పుట్టినరోజు సందర్భంగా మార్చి 27న విడుదల చేయాలని ప్లాన్ చేసినా, అనివార్య కారణాల వల్ల ఈ నెల 30కి మార్చారు. ఇటీవల జూన్ 26కి వాయిదా అవుతుందనే రూమర్స్ సోషల్ మీడియాలో హల్‌చల్ చేశాయి.అయితే ఈ పుకార్లకు చెక్ పెడుతూ రామ్ చరణ్ స్వయంగా స్పందించారు. తన చెల్లి నిహారిక కొనిదెల నిర్మించిన రాకాస సినిమా ప్రమోషన్స్‌లో మాట్లాడుతూ, పెద్ది ఈ నెల 30నే విడుదలవుతుందని, ఆలస్యం అవుతుందనే వార్తల్లో నిజం లేదని స్పష్టం చేశారు.

ఇటీవల నిర్మాత SKN కూడా జూన్ తేదీ ప్రస్తావించినందుకు బహిరంగంగా క్షమాపణ చెప్పారు. ఇది తన తప్పిదమని, అధికారిక ప్రకటనలు మేకర్స్ నుంచే రావాలని తెలిపారు.బుచ్చిబాబు సానా దర్శకత్వంలో తెరకెక్కుతున్న పెద్దిలో జాన్వీ కపూర్ హీరోయిన్‌గా నటిస్తుండగా, దివ్యేందు శర్మ, జగపతి బాబు, శివ రాజ్‌కుమార్ వంటి స్టార్స్ కీలక పాత్రలు పోషిస్తున్నారు. ఏ.ఆర్. రెహమాన్ సంగీతం అందిస్తున్నారు. ఈ సినిమా ప్రస్తుతం పోస్ట్ ప్రొడక్షన్ దశలో ఉంది. కొన్ని పాటల షూటింగ్‌లు ఇంకా పెండింగ్‌లో ఉన్నట్లు సమాచారం.రామ్ చరణ్ అభిమానులు ఈ నెల 30 కోసం ఆసక్తిగా ఎదురుచూస్తున్నారు. ఈ చిత్రం యాక్షన్-డ్రామా మిక్స్‌డ్ గా ఉండబోతోంది. సినిమా సకాలంలో విడుదల కావాలని అభిమానులు కోరుకుంటున్నారు.