మెగా 158: ఆ పుకార్లకు చెక్!

మెగాస్టార్ చిరంజీవి నటిస్తున్న మెగా 158 సినిమాపై సోషల్ మీడియాలో ప్రచారంలో ఉన్న పుకార్లకు చిత్ర వర్గాలు స్పష్టత ఇచ్చాయి. ఈ చిత్రంలో చిరంజీవి తండ్రీకొడుకులుగా ద్విపాత్రాభినయం చేస్తున్నారనే వార్తలు వైరల్ అయినప్పటికీ, అందులో ఎలాంటి నిజం లేదని తెలుస్తోంది. కథకు అనుగుణంగా చిరంజీవి ఒక్క పాత్రలోనే కనిపించనున్నారని, ప్రస్తుతం జరుగుతున్న ప్రచారం కేవలం ఊహాగానాలేనని చిత్రబృందానికి సమీప వర్గాలు వెల్లడించాయి.

దర్శకుడు కొల్లి బాబీ తెరకెక్కిస్తున్న ఈ చిత్రం షూటింగ్ శరవేగంగా కొనసాగుతోంది. 'వాల్తేరు వీరయ్య' విజయానంతరం వస్తున్న ఈ కాంబినేషన్‌పై భారీ అంచనాలు నెలకొన్నాయి. అనసూయ రంజన్ చిరంజీవి కుమార్తె పాత్రలో నటిస్తుండగా, తమన్ సంగీతం అందిస్తున్నారు. కేవీఎన్ ప్రొడక్షన్స్ నిర్మిస్తున్న ఈ కమర్షియల్ ఎంటర్‌టైనర్‌ను భారీ స్థాయిలో విడుదల చేయడానికి చిత్రబృందం సన్నాహాలు చేస్తోంది.