శ్రీలీల బాలీవుడ్ డెబ్యూ కష్టాల్లో పడిందా..?

శ్రీలీల బాలీవుడ్‌ తొలి సినిమా కోసం అభిమానులు ఎంతో ఆసక్తిగా ఎదురుచూస్తున్నారు. కానీ ఈ సినిమా దాదాపు రెండేళ్లుగా ఆలస్యమవుతూ వస్తోంది. కార్తిక్ ఆర్యన్‌తో కలిసి ఆమె నటిస్తున్న ఈ చిత్రం మొదట్లో మంచి హైప్ తెచ్చుకుంది. వీరిద్దరి గురించి వచ్చిన వార్తలు కూడా సినిమాకు మరింత ప్రచారం కలిగించాయి.

అయితే సినిమా పనులు ఆశించినంత వేగంగా సాగడం లేదు. దర్శకుడు అనురాగ్ బసు చెప్పిన ప్రకారం ఇప్పటివరకు కేవలం 40 శాతం షూటింగ్ మాత్రమే పూర్తైంది. ఇంకా చాలా భాగం మిగిలి ఉండటంతో ఈ సినిమా ఈ ఏడాదిలో విడుదల కావడం కష్టంగా మారింది. దీంతో శ్రీలీల బాలీవుడ్ డెబ్యూ మరింత ఆలస్యం అవుతోంది.

ఇక ఆమెకు హిందీ సినిమాల్లో మరికొన్ని అవకాశాలు వచ్చినప్పటికీ, ఈ ఆలస్యం ఆమె కెరీర్‌పై ప్రభావం చూపే అవకాశం ఉంది. తెలుగు సినిమాల్లో మంచి పేరు తెచ్చుకున్నప్పటికీ, ఇటీవలి సినిమాలు ఆశించిన విజయాన్ని సాధించలేదు. ఇప్పుడు బాలీవుడ్ ప్రవేశం కూడా ఆలస్యమవడంతో ఆమె భవిష్యత్తుపై అనిశ్చితి నెలకొంది.