పైరసీ టెక్నిక్ మారుతూనే ఉంది - పోలీసులు ఎదుర్కోలేకపోతున్నారా?

ఆన్‌లైన్‌లో మరో కొత్త పైరసీ వెబ్‌సైట్ బయటకు వచ్చింది. తాజాగా “ఐబొమ్మ వన్” పేరుతో ఈ సైట్ కార్యకలాపాలు ప్రారంభించినట్లు సమాచారం. కొత్తగా విడుదలైన తెలుగు సినిమాలు ఇప్పటికే ఈ సైట్‌లో కనిపిస్తున్నాయని తెలుస్తోంది. మొబైల్, టాబ్లెట్, స్మార్ట్ డివైస్‌లకు అనుకూలంగా ఈ వెబ్‌సైట్‌ను రూపొందించారు.

సైబర్ అధికారుల ప్రకారం, ఈ సైట్ ద్వారా సినిమా లింకులు రీడైరెక్ట్ అవుతూ, థియేటర్లలో విడుదలైన కొద్దిసేపటికే సినిమాలను HD క్వాలిటీలో అందిస్తున్నారు. దాదాపు 65 మిర్రర్ వెబ్‌సైట్లు ఐబొమ్మ వన్‌కు సంబంధించినట్లు గుర్తించడంతో, ఈ పైరసీ నెట్‌వర్క్‌ను పూర్తిగా బ్లాక్ చేయడం కష్టమవుతోంది. తరచుగా డొమైన్ మార్చడంతో అసలు నిర్వాహకులను గుర్తించడం పోలీసులకు సవాలుగా మారింది.

ఈ పరిస్థితుల్లో సినిమా పైరసీపై అధికారాలు దృష్టి మరింత కేంద్రీకరించారు. మూవీల రూట్లు, షేరింగ్ విధానాలు, MV తరహా పైరసీ సైట్లు అన్నీ ఇప్పుడూ పర్యవేక్షణలో ఉన్నాయి. ఐబొమ్మ వన్ మరియు ఇటువంటి ఇతర సైట్లపై ప్రత్యేక విచారణ జరుగుతోందని, త్వరలోనే కఠిన చర్యలు తీసుకునే అవకాశం ఉందని అధికారులు తెలిపారు.