థియేటర్ల పార్కింగ్ ఫీజులపై హైకోర్టు స్టే.. పాత విధానం కొనసాగింపు

సింగిల్ స్క్రీన్ మరియు స్టాండ్ అలోన్ థియేటర్లలో పార్కింగ్ ఫీజులు వసూలు చేయకూడదని ఇచ్చిన ఉత్తర్వుపై తెలంగాణ హైకోర్టు స్టే విధించింది. ఈ కేసులో థియేటర్ యజమానుల తరఫున అడ్వొకేట్ ఎస్. నిరంజన్ రెడ్డి మరియు అడ్వొకేట్ సిర్గపూర్ సాహిల్ రెడ్డి వాదనలు వినిపించారు. తమ వాదనలు వినకుండా ఈ ఆదేశాలు జారీ చేశారని వారు కోర్టుకు వివరించారు.

ఇరుపక్షాల వాదనలు విన్న అనంతరం హైకోర్టు కీలక వ్యాఖ్యలు చేసింది. పిటిషనర్ ఒకే థియేటర్‌లో వసూలు చేస్తున్న పార్కింగ్ ఫీజుపై కేసు వేసినందున, ఆ ఆదేశం కూడా ఆ ఒక్క థియేటర్‌కే పరిమితం కావాలని స్పష్టం చేసింది. ప్రస్తుతం తెలంగాణలో ఏషియన్ కోనార్క్ థియేటర్ మినహా మిగతా అన్ని సింగిల్ స్క్రీన్ థియేటర్లు పార్కింగ్ ఫీజులు వసూలు చేసుకునే అవకాశం ఉంది.