గోపీచంద్ ‘సింగ’ టైటిల్ రివీల్..

మ్యాచో స్టార్ గోపీచంద్ పుట్టినరోజు సందర్భంగా ఆయన 34వ చిత్రానికి సంబంధించిన అధికారిక ప్రకటన వెలువడింది. ఈ చిత్రానికి ‘సింగ’ అనే పవర్‌ఫుల్ టైటిల్‌ను మేకర్స్ ఖరారు చేశారు. 70ఎంఎం ఎంటర్‌టైన్‌మెంట్స్ బ్యానర్‌పై తెరకెక్కుతున్న ఈ భారీ ప్రాజెక్ట్‌కు ప్రముఖ యాక్షన్ కొరియోగ్రాఫర్ వి. వెంకట్ దర్శకుడిగా పరిచయం అవుతున్నారు. ఆయన ఈ చిత్రానికి కథ, స్క్రీన్‌ప్లే కూడా అందించడం విశేషం.

తాజాగా విడుదలైన టైటిల్ గ్లింప్స్‌ను బట్టి ఈ సినిమా గోపీచంద్ మార్క్ రా అండ్ రస్టిక్ మాస్ యాక్షన్ ఎంటర్‌టైనర్‌గా ఉండనున్నట్లు తెలుస్తోంది. ఇందులో అనార్కలి నాజర్ హీరోయిన్‌గా నటిస్తుండగా, సామ్ సీఎస్ సంగీతం అందిస్తున్నారు. విజయ్ చిల్లా, శశి దేవిరెడ్డి నిర్మిస్తున్న ఈ చిత్రంపై ఇప్పటికే సినీ వర్గాల్లో మంచి అంచనాలు నెలకొన్నాయి.