సోలో బ్రతుకే సో బెటర్ అంటున్న ఎనర్జిటిక్ స్టార్ ?

టాలీవుడ్ హీరో రామ్ పోతినేని తన సింగిల్ స్టేటస్‌పై ఆసక్తికర వ్యాఖ్యలు చేశారు. చిన్నప్పటి నుంచి ఒంటరిగా ఉండటం అలవాటైందని, ఆ ఏకాంతంలోనే తనకు ప్రశాంతత దొరుకుతుందని తెలిపారు. సినిమా షూటింగ్స్‌లో వందల మంది మధ్య ఉన్నా, తనకంటూ ఒక ప్రత్యేక ప్రపంచాన్ని సృష్టించుకున్నానని చెప్పారు.

లాక్‌డౌన్ సమయంలో ఏడాదిన్నర పాటు ఒంటరిగానే గడిపిన విషయాన్ని గుర్తు చేసుకున్నారు. భవిష్యత్తులో ఎవరైనా జీవితంలోకి వస్తే ఆహ్వానిస్తానని, ఎవరూ రాకపోయినా ఒంటరిగానే సంతోషంగా ఉంటానని ధీమా వ్యక్తం చేశారు. ఆయన వ్యాఖ్యలు సోషల్ మీడియాలో వైరల్ అవుతూ అభిమానుల్లో ఆసక్తిని రేకెత్తిస్తున్నాయి.