ధనుష్‌ అరుదైన ఘనత రికార్డు!

నటుడు ధనుష్‌ జాతీయ చలనచిత్ర అవార్డుల విషయంలో భారతీయ సినీ రంగంలో ప్రత్యేక గుర్తింపు సంపాదించారు. ఇప్పటివరకు ఆయనకు మొత్తం నాలుగు జాతీయ చలనచిత్ర అవార్డులు దక్కాయి. ఇందులో నటుడిగా రెండు, నిర్మాతగా రెండు అవార్డులు ఉన్నాయి. ‘ఆడుకలం’, ‘అసురన్‌’ చిత్రాలకు ఉత్తమ నటుడిగా జాతీయ అవార్డులు అందుకున్న ధనుష్‌, ‘కాకా ముట్టై’, ‘విసారణై’ చిత్రాలకు నిర్మాతగా కూడా జాతీయ అవార్డులు సాధించారు.

విభిన్న పాత్రలను ఎంచుకుంటూ, పలు భాషల్లో సినిమాలు చేస్తూ ధనుష్‌ తన నటనా ప్రతిభను నిరూపించుకుంటున్నారు. తాజాగా 72వ జాతీయ చలనచిత్ర అవార్డుల్లో ‘కెప్టెన్‌ మిల్లర్‌’ చిత్రంలోని నటనకు ఆయనకు ప్రత్యేక ప్రశంస లభించింది. దీంతో ధనుష్‌ జాతీయ అవార్డుల ప్రస్థానం మరోసారి సినీ వర్గాల్లో చర్చనీయాంశంగా మారింది.