మోటోక్రాస్ రేసింగ్‌పై తొలి భారతీయ సినిమా ‘బైకర్’ ట్రైలర్ విడుదల!

భారతీయ చిత్ర పరిశ్రమలో మోటోక్రాస్ రేసింగ్ నేపథ్యంతో తెరకెక్కిన తొలి చిత్రం బైకర్, ఏప్రిల్ 3న భారీగా విడుదలకు సిద్ధమవుతోంది. ఈ చిత్రంలో శర్వానంద్ హీరోగా నటించగా, దర్శకుడు అభిలాష్ రెడ్డి దర్శకత్వం వహించారు. హీరోయిన్‌గా మాళవిక నాయర్ నటించగా, రాజశేఖర్ కీలక పాత్రలో కనిపించనున్నారు. ఈ చిత్రం తన ప్రత్యేక కాన్సెప్ట్‌తో ఇప్పటికే ఆసక్తిని రేకెత్తిస్తోంది.

ఈ నేపథ్యంలో ఆదివారం విడుదలైన ట్రైలర్ ప్రేక్షకుల్లో అంచనాలను మరింత పెంచింది. హై-ఆక్టేన్ రేసింగ్ సన్నివేశాలు, భావోద్వేగ కథనం కలగలిపిన ఈ ట్రైలర్ సినిమాపై మంచి హైప్‌ను సృష్టించింది. యాక్షన్, డ్రామా, స్పోర్ట్స్ అంశాల మేళవింపుతో బైకర్ ప్రేక్షకులకు కొత్త అనుభూతిని అందించనుందని భావిస్తున్నారు.