మిస్టరీ మ్యాన్‌తో అయేషా ఖాన్...ఎంగేజ్‌మెంట్‌పై జోరుగా చర్చ

బాలీవుడ్ బ్యూటీ అయేషా ఖాన్ ‘బిగ్‌బాస్’ షో ద్వారా మంచి గుర్తింపు తెచ్చుకున్నారు. ఇటీవల బ్లాక్‌బస్టర్ చిత్రం ‘ధురంధర్’లోని ‘షరారత్’ పాటతో ఆమెకు మరింత క్రేజ్ వచ్చింది. తాజాగా అయేషా సోషల్ మీడియాలో షేర్ చేసిన కొన్ని ఫొటోలు నెట్టింట వైరల్‌గా మారాయి. ఓ మిస్టరీ మ్యాన్‌తో కలిసి దిగిన రొమాంటిక్ ఫొటోల్లో ఆమె చేతికి ఉన్న డైమండ్ ఉంగరాన్ని ప్రత్యేకంగా చూపించడంతో, అయేషా రహస్యంగా నిశ్చితార్థం చేసుకున్నారనే ప్రచారం మొదలైంది.

ఫొటోల్లో మిస్టరీ మ్యాన్ ముఖం స్పష్టంగా కనిపించకుండా జాగ్రత్తపడటంతో పాటు, క్యాప్షన్‌లో ‘A Dream’ అని రాయడం ఈ వార్తలకు మరింత ఊతమిచ్చింది. కొందరు అభిమానులు ఆమెకు అభినందనలు తెలుపుతుండగా, మరికొందరు మాత్రం ఇది నిజమైన ఎంగేజ్‌మెంట్ కాదని, ఏదైనా జ్యువెలరీ బ్రాండ్ ప్రమోషన్ లేదా ఫొటోషూట్‌లో భాగమై ఉండొచ్చని అభిప్రాయపడుతున్నారు. దీంతో అయేషా ఖాన్ పోస్ట్ ప్రస్తుతం సోషల్ మీడియాలో ఆసక్తికర చర్చకు దారి తీసింది.