ఇలాంటి ఇన్సూరెన్స్ వద్దు.. దర్శన రాజేంద్రన్ ఆవేదన

‘హృదయం’ సినిమాతో దేశవ్యాప్తంగా గుర్తింపు తెచ్చుకున్న నటి దర్శన రాజేంద్రన్, ఇటీవల ‘పరదా’ చిత్రంలో తన నటనతో ప్రేక్షకులను ఆకట్టుకున్నారు. ప్రస్తుతం పలు భాషల్లో సినిమాలు చేస్తూ బిజీగా ఉన్న ఆమె, తాజాగా తన హెల్త్ ఇన్సూరెన్స్ క్లెయిమ్ తిరస్కరించబడిన విషయంపై తీవ్ర అసంతృప్తి వ్యక్తం చేశారు. ప్రస్తుతం తాను ఆరోగ్య సమస్యలతో క్లిష్ట పరిస్థితిని ఎదుర్కొంటున్న సమయంలో ఇన్సూరెన్స్ కంపెనీ తీసుకున్న నిర్ణయం తనను మానసికంగా మరింత కుంగదీసిందని ఆమె తెలిపారు.

హెల్త్ ఇన్సూరెన్స్ తీసుకోవాలనుకునే వారు ఈ కంపెనీని ఎంచుకోవద్దని దర్శన ప్రజలకు సూచించారు. అలాగే ఈ సమస్య పరిష్కారానికి సహాయం చేయాలని తన ఫాలోవర్లను కోరారు. ఆమె చేసిన పోస్ట్ సోషల్ మీడియాలో వైరల్‌గా మారగా, అభిమానులు, సినీ ప్రముఖులు ఆమెకు మద్దతుగా నిలిచారు. ఇలాంటి అనుభవాలు తమకూ ఎదురయ్యాయని పలువురు నెటిజన్లు స్పందించగా, మరికొందరు సంబంధిత కంపెనీపై చట్టపరమైన చర్యలు తీసుకోవాలని సూచించారు.